Onun sözlərinə görə, sahibkarlara dəstək məqsədini daşıyan bu vəsaitlər dərhal artırılaraq yenidən geri qaytarılır: "Sahibkarlara Dəstək Milli Fondu tərəfindən sahibkarlara təxminən 600 milyon manat vəsait ayrılıb. Bu da Azərbaycanda qeyri-neft sektorunun inkişaf etdirilməsinə göstərilən dəstəyin daha bir nümunəsidir. Ölkədə sahibkarlığının inkişafı üçün lazımi bütün qanunlar qəbul edib. Bunun nəticəsidir ki, özəl sektor iqtisadiyyatın 80 faizindən çoxunu təşkil edir. Xüsusilə, son dövrlər bölgədə baş verən hadisələr, Rusiyada yaşayan azərbaycanlı miqrantların geri qayıtması kiçik və orta sahibkarlığın inkişafının ön plana çıxmasına səbəb olub. Biz hesab edirik ki, Azərbaycan hökumətinin kiçik və orta sahibkarlığın inkişafı ilə bağlı xüsusi proqram qəbul etməsinə ehtiyac var. Hesab edirəm ki Azərbaycanda kiçik və orta sahibkarlıq orta səviyyədə inkişaf edir. Bununla yanaşı sahibkarlığı inkişaf etdirmək və onlara dəstək olmaq üçün vergilərin miqdarı azaldılır".

V.Əhmədov ölkədə sahibkarlığın bütün sahələrdə sürətlə inkişaf etdiyini vurğulayıb: "Bu sahədə xüsusilə vergitutma, vergi sistemi, sadələşdirilmiş vergi ilə bağlı problemlər aradan qaldırılıb. Bu da ölkə başçısı İlham Əliyevin sahibkarlığın inkişafına xüsusi qayğısından irəli gəlir".