İşə götürülən fiziki şəxslərin rəsmiləşdirməsi iki formada həyata keçirilir:

• əmək müqaviləsi və ya
• xidmət müqaviləsi bağlanmaqla.
  

Əmək müqaviləsi əsasında işə cəlb edilən hər bir işçi işəgötürən (həm fərdi sahibkar, həm də hüquqi şəxs) tərəfindən məcburi dövlət sosial sığortası üzrə sığortalanmalıdır. DSMF-ə müraciət edildikdən 1 ay sonra DSMF-in yerli qurumları tərəfindən işçilərin sosial sığorta şəhadətnamələri (SSŞ) işəgötürənə təqdim edilir.

Məcburi dövlət sosial sığortası ilə yanaşı işçilər istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta edilməlidirlər. Bunun üçün işəgötürən həyat sığortası ilə məşğul olan sığorta şirkətinə müraciət edib həmin şirkətlə sığorta müqaviləsi bağlayır.

Mənbə: Sahibkar Ol (sahibkarlıq bələdçisi).